ပွပွရောင်တိ မျိုးချစ်စိတ်
===============
မင်းရို့တိ
အခြောက်တိုက်
ဘ၀င်ကိုင်နီလို့
ရညှိကပ် ကြာအိုကျ
ကျောက်ခဲတလုံး
သမိုင်းဆိုစွာ
ဂျောင်ထိုးနီရရေ...။
အစိုနံနီရေ
မင်းရို့
ဘ၀င်ပုတ်တိကြောင့်
ရင်းတန်းထိုးနီရေ
ဆားငန်မြစ်ထဲက
ငရို့အဖိုးတယောက်
သီအောင်ထိ
ခြီထောက်မှာ
ကျူပ်မစင်လီခ...။
လောက်ကျနီရေ
မင်းရို့တိ
ဟက္ကရီကျ
အတွေးအခေါ်တိကြောင့်
ထင်းခြွီနီရေ
ငရို့အဘောင်အဖိုးရို့ဘ၀စွာ
ဘုန်းကြီးကျောင်းကို
သီအောင်ထိ မရောက်ခ...။
မင်းရို့တိ
စုတ်ပီစုတ်ပ
ညီညွတ်ရေးကြောင့်
ညာဏ်ကောင်းရေ
အဖအချေတိ
အောက်ကျနောက်ကျနန့်
စာမတတ် ပီမတတ်
ဘ၀ဆုံးလီကတ်ရယင့်...။
တကိုယ်ကောင်းဆန်ရေ
မင်းရို့တိ
လုပ်ရပ်ကြောင့်
အဖတယောက်
ဆင်းရဲတွင်းနက်ပနာ
ကမ္ဘာပေါ်မှာ
မျက်နှာငယ်နီရရေ...။
ဇာမှာလဲ
မင်းရို့တိ အတတ်ပညာ
ဇာမှာလဲ
မင်းရို့တိ အသိပညာ
ဇာမှာလဲ
မင်းရို့တိ သနားကြင်နာမူ
ဇာမှာလဲ
မင်းရို့တိ မျိုးချစ်စိတ်
ဇာမှာလဲ
မင်းရို့တိ ညီညွတ်ရေး
ဇာမှာလဲ
ဇာဂျောင်မှာလဲ...။
လီထက်မှာလား
မင်း မယားတိ ဘက်မှာလား
မင်း အမျိုးတိ ဘက်မှာလား
ဆက်ပြီးကေ မလိမ်ကဲ့ဖိ
ပွပွရောင်
ထမင်းဆုံးတိ တွင်းဆုံးတိ...။
ကြွတ်စူး(ရမ်းဗြဲကျွန်း)
Subscribe to:
Post Comments (Atom)
No comments:
Post a Comment