လက်သီးဆုပ်နီကတ်တုန်းလား
===============
ရင်ဖတ်ကွဲမတတ်
ငိုကျွီးနီတုန်း
ရက်တိတအိအိ ဖြတ်လားပျာယ်...။
လွမ်းဆွတ်မှုဒီဂရီ
တိုးနီကတ်တုန်း
လတိတဒိဒိ ကျော်လားပျာယ်..။
မျက်ရည်တိ၏
ကောက်ကြောင်းကိုလိုက်ငေးနီတုန်း
နှစ်တိတရွိရွိ ကုန်လားပျာယ်...။
ဇာပင်ဆိုဆို
ငါရို့ရင်ထဲမှာ
အနာတခုက ဂုထိသွီးတစက်စက်
မုန်းတီးမှုတိ
ဆထပ်တိုးယင်း
အသက်လျှူလိုက်တိုင်း တဆစ်ဆစ်နာကြင်တုန်း
မကြားဝံ့ရေ
အော်ငိုသံတိ
အိမ်မက်ဆိုးပိုင် လာပနာခြောက်လှန့်တုန်း...။
ဖိစီးမှုတိအောက်က
အပြင်းထန်ဆုံး
ရုံးထွက်အားတခု ငါရို့မွီးဖွားယင်း
ရက္ခိတသွီးနန့်
တည်ဆောက်ခရေ
ကမ္ဘာ့မြီပုံထက်.. ခြီတဖက်စာချေတွက်
ဒေါသတကြီး
ဆုပ်ထားရေလက်သီးတိလည်း
သနတ်ကိုင်ဖို့ ဖြီကတ်ရဖို့ပျာယ်...။
DO_OR_DIE (သီကေသီ ရှင်ကေရှင်)
Subscribe to:
Post Comments (Atom)
No comments:
Post a Comment